مصيف - مصيفك عندنا

مرحبا بكم فى مصيف، اول سوق إلكترونى لعرض و تأجير عقارات المصيف فى مصر. لو عندكو اى مشاكل أو مقترحات عن الموقع من فضلكو تواصلو معنا عن طريق التليفون أو الشات أو البريد الإلكترونى

آخر عقارات قمت بزيارتها

طول الوقت كلنا بنشتغل او بنذاكر وبنتعب طول السنة ونفسنا الصيف يجي علشان نروح المصيف، بس المشكلة اللي بتواجه أغلب الناس هي ازاي الاقي المكان المناسب ليا علشان استمتع بالأجازة بسهولة. معظمنا بيحب يروح يصيف في الساحل الشمالي، بس من أكبر المشاكل اللي بتواجهنا في الساحل إننا بنعاني لما بنتعامل مع السماسرة، حتي لو كنت تعرف سمسار كويس وبتتعامل معاه كل سنة، المشكلة إن العملية نفسها معقدة ومش سهله، فمثلا إنت قدامك حلول مش كتير زي:

  • إن إنت تروح بنفسك قبل الأجازة تتفرج علي الشقق والشاليهات وتنقي اللي يناسبك وده اكيد مش مناسب لناس كتير مننا، علشان مفيش وقت نعمل كده،

  • أو انك تبداء تدور علي مكان المصيف أول ما توصل الساحل وده برضه هيضيع وقتك ويخليك مضطر تختار ما بين حاجات قليلة ممكن تكون كلها مش عجباك اساساُ،

  • وفي حل تاني ناس كتير بتلجاء ليه وهو إنك تروح نفس المكان اللي رحتة قبل كده او مكان تاني صاحبك أو حد قريب منك رشحهولك وقالك انه مكان مناسب،

  • في الحالتين إنت خسران لانك مجربتش مكان جديد ممكن يكون أحسن من المكان اللي إنت متعود تروحه أو خسران علشان المكان اللي حد رشحهولك ممكن يكون مناسب ليه هو بس مش مناسب ليك إنت.


المشاكل والتعقيدات دي كلها مبقتش تناسب ايقاع الحياه اللي إحنا بنعيشه وده اللي خلانا ندور علي حلول علشان نبسط الموضوع ونخلي كل واحد ممكن يلاقي المكان اللي نفسه يصيف فيه بكل سهولة ومن غير تعقيد. طيب تخيل بقي معايا كدة إنك وإنت بتدور علي مكان تصيف فيه إنك ممكن:


تدور بكل سهولة وإنت في بيتك علي المكان المناسب ليك وتشوف صور كتير للمكان وتعرف تفاصيل دقيقة عن العفش والإمكانيات الموجودة في المكان ، كل ده من غير ما تعمل اي مجهود أو تصرف اي حاجة.


هتقدر تعرف المكان اللي هتروحه علي Google Maps وكمان تعرف الخدمات الموجودة حوالية.


حتقدر تدور بسهولة وتستخدم خيارات كتير للبحث سواء بالسعر أو المكان أوعدد الغرف أوالإمكانيات الموجودة في المكان أوإن المكان يكون قريب من حاجة معينة.


هتقدر تعرف الناس اللي راحوا المكان قبلك رأيهم ايه وايه الحاجات اللي عجبتهم وكمان تعرف لو فيه أي مشاكل واجهتم خلال الاقامة في المكان.


يكون عندك فريق خدمة عملاء شغالين طول الوقت علشان يساعدوك في اي مشكلة ممكن تواجهك وإنت بتدور علي مكان مصيفك أوخلال عملية الحجز.


هتقدر تخطط للمصيف من بدري ومن غير ما تكون مضطر تستني لأخر لحظة وده كمان هيساعدك تستفيد بسعر قليل نسبياً لأنك لو حجزت بدري السعر بيكون أرخص، ده غير أنك هتضمن المكان اللي أنت عايزه من غير اي مفاجأت غير متوقعة.


هتقدر تدفع فلوس المصيف بأكثر من طريقة سهلة ومريحة وبكل أمان زي "فوري" أو بالكرديت كارد.


ممكن تتواصل مع صاحب العقار عن طريق نظام الرسائل علي موقعنا علشان تسأل عن اي حاجة عن العقار أوتطلب اي حاجة ممكن تساعدك تستمتع بمصيفك.


كل الخدمات ديه تتم من خلال موقع أمن 100% وخاضع لأعلي درجات الرقابة لضمان سرية بياناتك ومعلوماتك.


إحنا في مصيف بتستخدم أحدث تكنولوجيا علشان نسهل لك عملية إختيار اكتر مكان مناسب ليك علشان تستمتع بمصيفك، فممكن تستخدم الكمبيوتر، اللابتوب أو الموبايل علشان تستخدم الموقع.